Lau Haizeta Parkeak 1999an jaso zuzen bere izendapena. Orotara 600 hektarea hartzen ditu Errenteria, Astigarraga eta Donostiako udalerrietako lurretan. Horietatik 200 ha. Errenterikoak dira. Parkean, eta Errenteriako mugen barne, kultura-ondare gisa sailkatutako elementu ugari daude, besteak beste:

• XIX. Mendeko gotorlekuak: Sanmarko eta Txoritokieta
• Txoritokietako estazio megalitikoa: Aitzetako Txabalako jentil-harriak, Berrozpin I, II eta III trikuharriak, eta Txoritokietako monolitoa.

Natura-ondareari dagokionez ere, hainbat gune aipatzekoak dira:

• Babes Zorrotzeko Baso-eremua: Txoritokietako baso mistoa.
• Paisaia-balio Altuko Eremuak: Sanmarko eta Txoritokieta mendietako magalak.
• Formazio Geologikoak (dolinak): Eguzkiborda, Arkiri, Aitzondo eta Ondartxulo.

Nekazaritza eta abeltzaintza tradizionalak Donostia, Pasaia, Errenteria eta Astigarragako hiri-guneen kanpoaldeak sagasti, larre eta baratzeetan bilakatu zituen, gune malkartsuenak edo ekoizpen-balio gutxikoak landu gabe utziaz. Hain zuzen ere, gune hauetan haritz kanduduna, ametz, lizar eta haltzaz osatutako zuhaiztiak kontserbatu dira. Egoera honek inguruetako toponimia hobeto ulertzeko baliagarri da: Altza, Intxaurrondo, Astigarraga edo Lizardi.

Arkaitzaundi harrobiaren ertzean, Txoritokietako mendi-magalean, adibidez, haritza (Quercus robur), gaztainondoa (Castanea sativa), urritza (Corylus avellana), lizarra (Fraxinus excelsior), gereziondoa (Prunus avium), eta abarrez osaturiko baso misto zabala aurkitzen da.

• Lau Haizeta Parkeko Plan Berezia

Dibulgazio materialak

Heskai biziak	Informazio-panela	Kutarroko urmaela