Atal honetan aurkituko dituzu indarrean dauden parte-hartze prozesuei buruzko informazioa. Partaidetza prozesu hauek Errenterian nolabaiteko eragina dute eta, organo sustatzailearen arabera, lau ataletan aurkituko dituzu:
ERRENTERIA
GIPUZKOA
EUSKADI
Uraren Euskal Agentziak abenduaren 22ra arte zabaldu du 2022-2027 aldirako Plan Hidrologikoaren informazio eta kontsulta publikorako aldia. Honenbestez, interesatutako herritar eta eragileek ekarpenak aurkeztu ahal izango dizkiote Planari. Dokumentazioa ondorengo webgunean kontsultatu daiteke: www.irekia.euskadi.eus.
Eusko Jaurlaritzak abuztuaren 17ra arte luzatu du Hondakinak Prebenitzeko eta Kudeatzeko Plana 2030ari eta haren ingurumen-azterketa estrategikoa jendaurrean jartzeko epea. Honenbestez, interesatutako herritar eta eragileek ekarpenak aurkeztu ahal izango dizkiote Planari. Dokumentazioa ondorengo webgunean kontsultatu daiteke: www.euskadi.eus/eusko-jaurlaritza/ingurumena
2020ko irailaren 29ko Foru Aginduaren bidez, Gipuzkoako Foru Aldundiko Ingurumeneko eta Obra Hidraulikoetako sailak GIPUZKOA ENERGIA 2050 Jasangarritasun Energetikoaren Estrategiaren proiektua osatzeko prozedurari hasiera ematea ebatzi zuen.
Partaidetza prozesuak 4 fase izango ditu. Une honetan, 0. Fasean aurkitzen da prozesua, hau da, interesa duten herritar eta eragileen parte-hartzea bermatzeko fasean. Horretarako, Gipuzkoan bizi diren 18 urte baino gehiagoko egoiliarrek Estrategiaren osaketarako partaidetza prozesuan izena emateko aukera dute apirilaren 23ra arte.