Errenteriako Udalak, Behemendi Landa Garapen Elkartearekin lankidetzan, gutxiengo dedikazioa duten Errenteriako nekazaritza- eta abeltzaintza-ustiategientzat ordezkapen zerbitzua sustatzea erabaki du. Zerbitzu honen bidez, nekazaritza- eta abeltzaintza-ustiategietako titularrek hainbat arrazoirengatik (gaixotasuna, gurasotasuna, prestakuntza, oporrak edo beste arrazoi pertsonal batzuk) beren lana egin ezin duten egoerak ordezteko aldi baterako langileak edo zerbitzuak izan ditzakete. Gainera, lan bereziak egiteko eskulan gehigarria behar denean ere erabili ahal izango da zerbitzua, betiere egoiliarren laguntzarekin (bereziki astegunetan).

Horretarako, baserriko lanetan trebatuta dagoen eta esperientzia duen langile bat kontratatu da ordezkapenak egin ditzan. Zerbitzu horiek oso garrantzitsuak dira ustiategietako jardueren jarraipena ziurtatzeko, nekazaritza eta abeltzaintza lanak etengabeko arreta eskatzen baitu, eta edozein etenaldik eragina izan dezake produkzioan eta errentagarritasunean.

ZERBITZUAREN EZAUGARRIAK:
Ustiategi bakoitzak gehienez hamar egun natural izango ditu zerbitzua erabiltzeko. Gaixotasunagatiko bajak izaten diren aldietan, horiek zabaltzea aztertuko da. Emailea ustiategi berean gehienez ere 6 egun jarraian eta 8 ordu egunean egon ahal izango da.

Zerbitzua doakoa izango da. Hori erabiltzeko, zerbitzu-emailearekin harremanetan jarri beharko da lehenbailehen, telefonoz, eta egutegiko gainerako baldintzak adostu beharko dira harekin. Epe berean eskaera handia egonez gero, aurretik hitzartutako zerbitzuek eta bajek izango dute lehentasuna.