Espezie exotiko inbaditzaileak (EEI) lurralde edo ekosistema (itsastar, lehortar edo ibaitar) batean jatorrizkoak ez diren, baina bertan ezarri diren flora eta fauna espezieak dira, ugaltzeko ahalmen handia dutenak eta jatorrizko espezieak kaltetzen dituztenak. Ekonomian ere kalteak eragiten dituzte. Inbasio biologikoen arrazoi nagusiak giza ekintzan (salgaien garraioa, lorezaintza eta basogintzarako erabilera, maskotak, e.a.) eta klima-aldaketan aurki ditzakegu.

Errenteriako Udalak hainbat ekimen burutu ditu azken urteotan espezie hauen hedapena ekiditeko. Errenteriako espezie inbaditzaile arruntenak ezagutu eta hauen ezabatzean laguntzeko, Udalak argitaratutako ondorengo liburuxka irakur dezakezu.