Urtarrilaren 27an ospatu zuten Errenteria, Lezo eta Oiartzungo eskoletako Agenda 21en eskualdeko koordinazio-bilera. 

Hiru herrietako Eskolako Agenda 21 programan parte hartzen duten ikastetxeetako irakasle koordinatzaileek hartzen dute parte saio hauetan eta, besteak beste, ikasturteko programaren eboluzioa partekatzeko baliatzen dute. Udaletako eta Ingurugelako ordezkarien partaidetza ere badute.

Errenterian 7 ikastetxetan garatzen ari dira Eskolako Agenda 21 programa: Cristobal Gamón LHI, Don Bosco GLHBI, Koldo Mitxelena BHI, Langaitz Ikastola LHI, Langaitz BHI, San José – Hijas de la Cruz HLBHIP eta Telleri HLBHIP. Orotara 4.000 ikasle inguruk hartzen dute parte programa honetan, irakasle eta senideez gain. Aurten, Elikadura Jasangarria lantzen ari dira eskoletan, horretarako, Porru Kirolari lagun dutela.