Fanderiako Errotako Ibaiaren Etxeak irailerako hainbat ekintza antolatu ditu:

IRAILAK 9-10:

Ohikoa den bezala, hileko bigarren asteburua izanik, errota eta ibaiaren etxea irekita egongo dira. 10:30etik 14:00etara bitartean errota bisitatu, funtzionamendua ikusi eta haren historiari eta inguruko naturari buruzko erakusketa iraunkorra doan ikusi ahal izango dute bisitariek.

IRAILAREN 17:

Herria Atlantikaldia musika jaialdi eta kultur topagunean murgilduta egongo dela aprobetxatuz, bertaratzen direnei errota bisitatzeko, martxan ikusteko eta haren historia ezagutzeko aukera emango zaie.

Bi txanda izango dira , 11:00etan euskaraz eta 12:30etan gazteleraz. Aurrez izena ematea beharrezkoa izango da.

Informazio gehiagorako eta izena emateko:

• turismoa@oarsoaldea.eus / 943 494 521
• galemysfanderia@gmail.com / 690 720 264