• AñarbeAñarbe
  • NiessenAzokaBertako produktuen kontsumoa
  • Eguzki plakakEnergia berriztagarriak
  • Herri-baratzakHerri-baratzak
  • Portuko txatarraKutsadura atmosferikoa
  • Bidegorria+bizikletakMugikortasun iraunkorra

portada TEP2006ko martxoan Iraunkortasunerako I. Ekintza-plana (2006-2011) onartu zen Udal Osoko Bilkuran. 2012an ebaluatu zen plana azkenekoz eta %54an gauzatua zegoela baieztatu zen. Honek eta planaren beraren epe-mugak 2016-2025 epealdirako Iraunkortasunerako II. Ekintza-planaren (aurrerantzean II PAL) osaketarako berrikuspen prozesua abiarazteko beharra mahai gainean jarri zuen.

II. Ekintza-planaren osaketarako azken urteetako lan-ildoen emaitza izan diren planak kontuan hartu dira, bereziki 2025erako Plan Estrategikoaren osaketa prozesutik eratorritako helburu estrategikoak. Halere, II TEPren osaketa eta diseinuak Udalsarea 21ek (Eusko Jaurlaritza) argitaratutako "EAEko Udalerrietarako Tokiko Agenda 21eko Ekintza-planak Berrikusteko Gida Metodologikoa"n jasotako irizpideak jarraitzen ari dira. 2025ean udalerri iraunkor bat izateko urratsak ezarri asmoz, behin behineko ekintza-zerrenda bat osatu da. Lanketa horretarako, besteak beste, honako dokumentuak hartu dira kontuan:

- 2025 Plan Estrategikoa
- Iraunkortasun Diagnosia 2014
- Errenteriako bioaniztasuna eta natura-ondarearen hobekuntza eta kontserbaziorako udal-estrategia (2013)
- Energia Iraunkortasunerako Ekintza-plana
- Oinezko eta Bizikleta bidezko Mugikortasun-plana
- Hiri-hondakin Solidoen Prebentzio-plana
- Errenteriako Emakume eta Gizonen Berdintasunerako II. Plana 2013-2016
- Bestelako udal-plan eta -programak

Honenbestez, II TEPren osaketarako udaleko sail ezberdinetako arduradunen ekarpenak barneratu dira, baina, horrekin batera, hiriko beste eragileen ekarpenak ere bildu dira dokumentua osatzeko. 2018ko martxoan Errenteriako Iraunkortasunerako II. Ekintza-plana (2018-2025) onartu da Udal Osoko Bilkuran. 

Azken Berriak:

06 June 2020

  • ‘Orain bizikletan’ kanpaina jarri du martxan Udalak
    Osasuna, ingurumena eta hiri-erosotasuna sustatzea dira ingurumenaren inguruan kontzientziatzeko udal kanpaina honen osagai nagusiak. Kanpainaren helburua da Errenterian bizikleten presentzia nabarmen handitzea erabilera ezberdinetan: lanera joateko, erosketetara joateko, ikastetxera joateko, … 2016ko martxoaren 16an Tokiko Gobernu Batzarrak “Errenteriako oinezkoen eta bizikleten mugikortasunerako plana” izeneko dokumentua onartu zuen. Dokumentu estategiko horrek, eta 2025era arte indarrean dagoenak, […]
  • Herritarrek behar bezala sailkatu dituzte hondakinak Covid-19aren krisian zehar, altzari eta hondakin handi batzuk izan ezik
    Hondakinen gaikako bilketaren tasa Errenterian % 62 izan zen apirilean, eta datu horrek islatzen du herritarrek egoki kudeatzen dituztela sortzen dituzten hondakinak. Ingurumenak eta osasun publikoak eskertzen dute hori. Alabaina, datu horiek ezerezean gelditu daitezke herritarren zati batek muzin egin diolako dagokion erantzukizunari, eta azken hilabeteetan herriko kaleetan utzi dituztelako, inolako ardurarik gabe, altzariak eta […]
  • Furgobaratzaren bisita ostegunean, maiatzak 28.
    Furgobaratzak ostegunean, hilak 28,Arramendiko Baratze Parkera bisita egingo du. Bisitaldia eguerdian izango da, 11:30-13:00 bitartean. Bertan, baratze-parkeko erabiltzaileek dituzten zalantza zein arazoen inguruan informazioa lortu eta bai aholku bai praktika egokien inguruko argibideak jaso ahal izango dituzte. Horretaz gain, tomate landareak oparitu eta horiek landatzeko eta zaintzeko aholkuak eskainiko dira. Bisita honetan edozein herritar gerturatu […]
  • Oiartzungo Garbigunea, berriro zabalik
    COVID-19aren pandemiaren eraginez, Garbiguneak itxita egon dira, baina alarma egoera lasaitu ondoren berriz irekitzea erabaki da. Hori dela eta, Sanmarko Mankomunitateko Garbigune guztiak (Garbera, Hernani, Usurbil, Oiartzun, eta Atotxa-Erreka) astelehenetik ostiralera irekita egongo dira berriro ere (larunbat eta jai-egunetan oraingoz ez). Ikusi hemen ordutegia. Garbiguneaz gain hurrengo zerbitzuak martxan jarrriko dira ere bai: – Furgoneta […]
  • “Bidez bide” landa-garraio publikoa berhasiko da, egungo egoerara egokituz
    COVID-19 dela eta dekretatutako alarma egoeraren ondorioz, Behemendi Landa Garapeneneko Elkarteak eta Errenteriako Udalak “Bidez bide” nekazal garraioaren zerbitzua egokitzea erabaki dute. Bidez bide doako garraio-zerbitzua da, eta udalerriko landa-eremuaren eta hirigunearen artean ibilbideak egiten ditu. Bizi garen egoeraren aurrean, ondorengo zerbitzuak eskainiko dizkie eremu horietan bizi diren bizilagunei: – Larrialdien aurreko zerbitzua, bereziki osasun-zentroetara […]
Ekaina 2020
A A A O O L I
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5