Tresna elektrikoak eta elektronikariak (TEE) dira behar bezala funtzionatzeko korronte elektrikoa edo eremu elektromagnetikoak behar dituzten aparatu guztiak. TEE dira baita ere korronte eta eremu horiek sortzeko, transmititzeko eta neurtzeko aparatuak ere. Korronte alternoan 1.000 volt eta korronte zuzenean 1.500 volt baino gutxiagoko tentsio nominalarekin funtzionatzen dute (irabiagailuak, irratiak, plantxak, garbigailuak, hozkailuak, ordenagailuak, jostailu elektrikoak, …).

Tresna horiek tresna elektriko eta elektronikoen hondakinak (TEEH) bihurtzen dira behin hondakin izaera hartzen dutenean.

Nora eraman behar dira TEEHak?

Etxeetako TEEak hondakin bihurtzen direnean, kudeaketa egokia izan dezaten, toki egokira eraman behar dira. Etxeko TEEHak entregatzeak ez dio herritarrari inolako kosturik suposatzen:

• Herritarrak TEEHa dendariari eman ahalko dio funtzio bera betetzen duen antzeko tresna bat erosten denean, baita TEE berria etxera eramaten zaionean ere.
• TEEen salmentarako eremua 400 m²-tik gorakoa denean, banatzaileek TEEH oso txikien bilketa aurreikusi beharko dute beren txikizkako salmenta puntuetan edo inguruan. Entrega honek ere ez du kosturik izango herritarrarentzat eta ez da behartuta egongo antzeko TEE berri bat erostera.
• Beste edozein momentutan, TEEHa udalen garbiguneetan entregatu ahalko da edo udalak ezarri duen beste bilketa selektibo sistemaren batean.
• Hondakin mota hauek tratatzeko baimena duen kudeatzaile bati ere eman ahalko zaio. Erabiltzaileak entrega horren froga dokumentua eskatu ahalko du.

TEEHak ezingo dira inolaz ere kalean ezarritako bestelako gaikako bilketarako edukiontzietara bota.