Klima Aldaketa historia klimatikoan zehar Lurreko edota eskualde bateko kliman ematen den aldaketa da. Industria Iraultzara arte aldaketa hauek naturak eragin izan ditu. Ordutik, aldiz, gizakiok eragindako Berotegi Efektuko Gasen (BEG) isurpenek nabarmen egin dute gora, bai industria mailan ematen den erregai fosilen errekuntzagatik edo baita gizakiok egindako beste hainbat ekintzen ondorioz ere, berotegi efektua areagotuz.

Klima Aldaketa honen eraginez planetaren batez besteko tenperatura Europan 0,6ºC eta 1ºC bitarte igo da aurreko mende hasieraz geroztik. Honakoak dira oraingoz pairatzen ari ditugun Klima Aldaketaren ondorioetako batzuk:

• Glaziarren azalera txikitzen ari da.
• Itsasmaila igotzen ari da, itsasotik gertu eta altitude txikiko zonaldeak desagertzen ari direlarik.
• Landareen banaketan desplazamenduak ematen ari dira altitudean baita latitudean ere. Pertsonak eta animaliak ere lehenago egiten ez zituzten migrazioak egiten hasiko dira.